----------------------------------------------------------------
Ku: Drs. A. Tatang Koswara
Awak satilas
Hartina: Jelema anu jangkung lenjang.
Ari diarah supana, kudu dipiara catangna
Hartina: Naon bae nu mere hasil atawa kauntungan ka urang, kudu dipiara atawa dipulasara enya-enya.
Asa dijual payu
Hartina: Sedih, ngungun dumeh nyorangan di panyabaan atawa di lembur deungeun. Atawa bisa oge keuheul lantaran asa dilejokeun ku batur.
Asa rawing daun ceuli
Hartina: Hate teu ngeunah, lantaran ngadenge omongan nu garoreng.
Aya astana sajeungkal
Hartina: Nu maot mah budak ge bisa, lain kolot bae. Atawa nu maot mah teu kudu kolot bae, budak ge bisa.
Aya jalan komo meuntas
Hartina: Eukeur mah aya maksud, turug-turug aya lantaran atawa pijalaneun.
Aya bagja teu daulat
Hartina: Bungah lantaran rek meunang bagja atawa kauntungan tapi teu tulus.
Aya peurah
Hartina: Aya komaraan. Aya harga atawa ajen diri.
Ayakan mah tara meunang kancra
Hartina: Nu bodo jeung nu pinter moal bisa sarua darajat jeung pangasilanana.
Aya rengkolna
Hartina: Aya tulisanana.
Asa nyanghulu ka jarian
Hartina: Ngawula ka sahandapeun, boh umurna, boh pangartina, kitu deui pangalaman atawa pangkatna.
Aya dina sihung maung
Hartina: Dina waktu karerepet atawa susah teh, gampang pisan meunang pitulung atawa bantuan, lantaran boga kawawuhan gegeden atawa jelema nu boga pangkat atawa pangaruh gede.
Ambekna sakulit bawang
Hartina: Babari pisan ambek. Gede ambek.
Atah warah
Hartina: Kurang atikan atawa didikan. Dusun. Basa jeung patipolahna loba nu salah. Kasar.
Asak warah
Hartina: Sabalikna tina atah warah. Atikan jeung didikanana cukup. Basa jeung tingkah paripolahna merenah.* (Teraskeuneun)
------------------------------------------------------------------------------------------------------